a̱taleam

Tyap

A̱taleam ka̱ ku mwai a̱ni.

a̱taleam (á̱kpa a̱ka̱taleam)

Sot swang a̱lyiat:

ka (á̱kpa na)

A̱taleam yet a̱bantswa nam kya ka̱ lya̱u a̱bwonu a̱ni, ka̱ shyia̱ kpa̱mkpaan ma̱ng a̱zanwuat. A̱taleam beang a̱tyubishi di̱n nghwut ma̱ng a̱ta̱mpyia̱. Ka̱ yet mi̱n vam a̱tyubishi, da̱nian ka̱ ka nshyuo a̱yin bah, ku yet a̱sham á̱ nyia̱ a̱yin byia̱ a̱taleam a̱bwonu nggu. A̱taleam beang di̱ ntung a̱ta̱mpyia̱ a̱bwonu, da̱nian a̱nu ka ka̱ du khwot. A̱taleam beang di̱ nvwuong kyayak ku a̱sa̱khwot nwuo mi̱n zwua̱i di̱n jen ji á̱ nshyia̱ di̱ ya kyayak ki̱ swuo a̱sa̱khwot a̱ni. A̱taleam bu ni̱ mbeang si̱sak ji á̱ ndyiat a̱ni, nwap nshyia̱ ma̱ a̱di̱di̱t nang á̱ mmore a̱taleam di̱ nfang a̱ni ku yei kyang. Jen jhyang á̱ yuut ti̱n a̱taleam ka. Ka̱nang á̱ shyia̱ lyen nang ka̱ cat shyok a̱tyubishi ma̱ng zwan á̱ ni̱ nti̱n nka, ku ka̱nang á̱ li nang ka̱ cat nvwuong swuan sweap.
- Á̱ ku ti̱n Kumaai a̱taleam ka nang gu ni̱ ngyet a̱banggwon.
- Á̱ nyia̱ á̱ ka ngya nam ma̱ng kurum ti̱n a̱talyem bah, kalak ka̱ bu laai a̱ shi á̱ bu ti̱n.
- Kyangbwak nggu hwa lyen ti̱n a̱talyem ka ma̱ a̱keang nzi̱t ka.

a̱taleam di̱ Wukipedia.Wukipedia ^kcg